Geniet

KOS VIR DIE SIEL

Hier kan jy ons preke op jou tyd deurwerk.

KYK ONS PREKE

Die nag was donker. Die tronkmure koud. Petrus het tussen soldate gelê, sy hande geboei, sy toekoms onseker en die ysterpoort stewig gesluit. Maar terwyl die aarde se deure toe was, het die gemeente se gebede die hemel aangeraak. Toe God ingryp, het lig die duisternis binnegedring, kettings het afgeval en die ysterpoort het vanself oopgegaan! Dalk staan jy ook voor ’n geslote deur en wag jy steeds op antwoorde. Onthou: In die afwesigheid van antwoorde, kies geloof. Kom ontvang môre ’n woord van hoop en bemoediging: HULLE IS DEUR DIT! Nooi iemand saam wat moet hoor: Geen nag is te donker, geen ketting te sterk en geen deur te gesluit wanneer God ingryp nie.
HULLE IS DEUR DIT!
Ek sien dit reeds in my gedagtes afspeel… Ons voorsien uitkomste wat dalk nooit gaan gebeur nie. Ons raak bekommerd oor wat ander mense dink, wat môre kan bring en hoe ons glo dinge behoort te wees. Maar wat as ons verbeelding só hard praat dat ons nie meer die Here se stem in ons werklikheid hoor nie? “Martha, Martha, jy is besorg en verontrus oor baie dinge; maar een ding is nodig…” Môre vra ons eerlik: “DIT IS NIE HOE EK DIT SIEN NIE, HERE!” Wat gebeur wanneer my weergawe van die verhaal bots met dit wat die Here besig is om te doen? En hoeveel vrede verloor ek omdat ek Hom probeer oortuig om die toneel te verander, terwyl Hy eintlik my perspektief wil verander? Kom sit môre saam met ons aan die voete van Jesus. Kom word stil. Kom luister weer. Dalk ontdek jy dat die Here se werklikheid soveel groter, sagter en genadiger is as die rolprent wat jy in jou gedagtes afspeel. LUKAS 10:38–42 | AFR53 SONDAG 30 AUGUSTUS 2026 | 09:30KOMPAS FAMILIE GEMEENTE
DIT IS NIE HOE EK DIT SIEN NIE. HERE!
Daar kom oomblikke wanneer jou planne verbrokkel, jou gebede onbeantwoord voel en die lewe jou met leë nette laat staan. Petrus het misluk, sy moed verloor en teruggekeer na die lewe wat hy geken het, maar ná ’n lang, vrugtelose nag het Jesus op die strand gestaan. Nie om hom te veroordeel nie, maar om hom te herstel, sy nette te vul en hom opnuut te roep. Miskien het teleurstelling jou ook laat wonder of jou beste dae verby is, maar jou mislukking is nie jou finale hoofstuk nie en jou teleurstelling is nie die einde van jou roeping nie. Kom luister môre na die boodskap: “Lewe ná teleurstellings, Hy is nog nie klaar nie!” 📖 Johannes 20:30–31 en 21:2–14 🗓️ Sondag 23 Augustus 2026 🕤 09:30 📍 Kompas Familie Gemeente. Kom ontmoet die Christus wat leë nette vul, gebroke harte herstel en jou weer roep. Hy is nog nie klaar met jou nie!
Lewe na teleurstellings - Sondag 23 Augustus 2026
Wat doen jy wanneer iets wat bedoel was om jou te breek, uiteindelik deel word van die manier waarop God jou bou? Wanneer verraad jou tref.Wanneer mense jou doelbewus seermaak.Wanneer jou lewe ’n draai neem wat jy nooit gekies het nie. Moenie net kyk na die los drade van jou lewe nie… vertrou die Hand van die Een wat besig is om dit alles saam te weef.
Wanneer God kwaad in ’n groter plan inweef.
Wat doen jy wanneer iets wat bedoel was om jou te breek, uiteindelik deel word van die manier waarop God jou bou? Wanneer verraad jou tref.Wanneer mense jou doelbewus seermaak.Wanneer jou lewe ’n draai neem wat jy nooit gekies het nie. Moenie net kyk na die los drade van jou lewe nie… vertrou die Hand van die Een wat besig is om dit alles saam te weef.
Wanneer God kwaad in ’n groter plan inweef.
Wat doen jy wanneer Plan A misluk en Plan B ook nie uitwerk nie? Israel het gedink die kortste pad is die beste pad, maar God het geweet daardie pad sou hulle breek. Wat vir jou soos ’n ompad voel, kan God se beskerming en voorbereiding wees. Moenie vassteek by wat agter jou lê nie, strek jou uit na wat voor is. Jy is nie verlore nie; hierdie is moontlik Plan C, en God weet presies waarheen Hy jou lei.
Hierdie is moontlik Plan C: Eksodus 13:17-18
Teleton 2026 Dankdiens saam met Johnny Louw
Dankdiens saam met Johnny Louw
Teleton 2026 Dankdiens saam met Johnny Louw
Dankdiens saam met Johnny Louw
Getuienis and met Sylvia Nel
Getuienis and met Sylvia Nel
Subscribe